ӘЙТИК кер. сүз Сөйләмдә яңа мәгълүматлар, дәлилләр китергәндә, әйтеләсе сүзгә игътибарны юнәлтү, басым ясау өчен кулланыла; мисал өчен, мәсәлән, фараз иттек. Әйтик, Котбетдиннәр көрәк белән тир түгеп казыган нигезләрне, коеларны, балта белән төзегән агач йортларны бүгенге Марсельләр, ансат кына, бульдозер белән ишеп-күмеп, таш йортлар, колонкалар төзеп чыга. Д.Гыйсметдинов. Әйтик, бүгенге көндә хәл шактый әйбәт, иртәгә инде тагын да яхшырак булачак. Н.Акмалов. Нәрсә булыр, әйтик, сезгә карап, Каш ясыйбыз, дип, күзне чыгарсак? Ш.Маннур