ӘВЕРНӘ и. 1) Бер-берсенә аркылы куеп тоташтырылган, ныгытылган нечкә ике борыстан гыйбарәт әсбап (туку эшендә). Ә хатын-кызлар --- машинаның --- тәгәрмәчләре, әвернәләре кебек, ашыга-ашыга хәрәкәтләнәләр. Ф.Садриев

2) Киләпле җепне йомгакка ураганда кулланыла торган, аркылы ике такта әйләнерлек итеп урнаштырып эшләнгән җайланма; русчасы: вороб. Әбиемнән калган әвернә

3) тех. Уру машиналарының, комбайнның, үлән яки иген сабакларын бөгеп, кискеч аппаратка тапшыра, кискәндә, аларны тотып тора һәм тагын да эчкәрәк этәрә торган детале; русчасы: мотовило. Ургычның әвернәсе урыла торган культураның сабакларын кисү аппаратына тапшыру һәм киселгәннәрен ургычның шнегына бирү өчен хезмәт итә. Урып җыю машиналары

4) Гомумән кушу билгесе (тәре) рәвешендәге әйбер. Рама әвернәсе