АСПИРАНТУ’РА и. лат. Фәнни-тикшеренү институтлары, югары уку йортлары каршында гыйльми һәм фәнни-педагогик кадрлар әзерләү системасы. Ә Мәскәүдә аспирантурада укый башлагач, аның хыялларының чынга әверелү мөмкинлеге тагын да ераклашты. В.Нуруллин. Укуны тәмамлагач, диплом яклаганда ук, аспирантурада калырга үгетлиләр. Н.Гамбәр. Кече уллары Свердловскида аспирантура бетереп ята икән. А.Гыйләҗев