АРТИСТЛАНУ ф. сөйл. 1) Образ барлыкка китерү, образ тудыру. Бу көнне итле аш пешкәнен шулай артистланып күрсәтсә дә, ай-вайлап чакырсак та, табынга калмады: – Нәкыя апагызның токмачы казанда сикереп калды, булмый, парин. Б.Рәхимова

2) Кылану, көлдерү, үз-үзен ясалма тоту. [Полковник:] Комедия ясап, артистланмагыз, зинһар, сез театрда түгел! Ә.Гаффар. Карачкы --- артистланырга ярата. З.Фәтхетдинов. [Кыз Ринатка:] – Алдашасыз. Артистлану сезгә килешми. В.Нуруллин

Артистланып алу Бераз, аз гына, тиз арада артистлану. Салих янә кәнфитләнеп, артистланып алырга булды. Т.Галиуллин

Артистланып бетү Артистлану дәрәҗәсенә җитү

Артистланып тору Әле, хәзер артистлану