АРАБЕ’СКА и. фр. 1) архит. Геометрик фигуралар һәм стильләштерелгән яфраклар, чәчәкләр һ.б. белән ясалган катлаулы бизәк, нәкыш (башлыча, гарәп сәнгате үрнәкләрендә кулланыла). Владимир-Суздаль өлкәсендәге биналарның, храмнарның тышкы як диварларын каплаган кабарынкы сурәт мотивлары һәм арабескалар да болгарларның йогынтысы турында сөйли. И.Гафаров

2) махс. Классик биюдә: бер аякны артка таба югары күтәреп, икенчесе белән тигезлек саклап тору рәвеше. Арабеска! Гарәпләр төсмере, мөселманнар сулышы бөркелеп торган бу алым классик биюдәге иң төп хәрәкәтләрдән санала иде. Р.Вәли