АНТИСОВЕТЧЫ и. тар. 1. Антисоветизм тарафдары, шул юнәлештә көрәшүче. Әмма ниндидер күләмдә мин үземне-үзем коткарып калдым шикелле, янәсе, мин антисоветчы түгел, имеш. Р.Батулла

2. с. мәгъ. Советлар Союзы идеологиясенә һәм сәясәтенә, төзелешенә каршы көрәшүгә юнәлдерелгән. Татар язучыларын нәрсәдә генә гаепләмиләр: «Икейөзлеләр, контрреволюционерлар, антисоветчы элементлар, кыскасы, халык дошманнары!» З.Зәйнуллин