АЛЧАКЛАНУ ф. диал. 1) Явызлану, оятсызлану; шәфкатьсез, миһербансыз булу

2) Якты йөз күрсәтү; ачык булу, кече күңеллеләнү. – Әйдәгез, түрдән узыгыз, Габдулла таң белән үк киткән иде, хәзер кайтып җитәр, – дип алчакланып кыстый башлады апа. М.Ибраһимов

Алчаклана төшү Тагы да алчаклану

Алчакланып алу Кыска вакыт эчендә, азга гына алчаклану

Алчакланып бетү Тәмам, бөтенләй алчаклану

Алчакланып китү Кинәт алчаклану

Алчакланып тору Әле, хәзерге вакытта алчаклану