А’К ЧЫРШЫ и. бот. Наратчалар семьялыгыннан, биеклеге 50 – 100 метрга кадәр җитә торган, конуссыман куе ябалдашлы мәңге яшел ылыслы агач; русчасы: пихта. Мичтә ак чыршы утыны шартлап яна, ике туган, берсен-берсе бүлдермичә генә, сугышка кадәрге тормышны, мул ризыкны, рәхәт көнне, тыныч төнне искә алалар. М.Мәһдиев. Ак чыршы агачын целлюлоза алу өчен, музыка кораллары ясау өчен кулланалар. Ботаника