АКБУРЛА’У ф. 1) Акбур белән агарту, акшарлау. Мич акбурлау

2) кимс. Кершән, пудра ягыну. Ә инде битне акбурлап, иренне кызарта башласаң, сәгать сигез җиткәнен сизми дә каласың. М.Юныс

Акбурлап алу Кыска гына вакыт эчендә акбурлау; тиз генә акбур белән агарту

Акбурлап бетерү Бөтенләй яки барысын да акбурлау

Акбурлап җибәрү Аз гына, бераз акбурлау

Акбурлап җиткерү Тиешенчә акбурлау

Акбурлап кую Нәрсәне дә булса ахырына кадәр акбурлау; алдан акбурланган хәлгә китерү

Акбурлап тору Әледән-әле акбурлау

Акбурлап чыгу Башыннан ахырына кадәр, тулысынча яки барысын да акбурлау