АЗАТЛЫК и. Ирек, хөрлек, бәйсезлек. Бу каһарманнарның олуг хезмәтләре безнең милли азатлыгыбыз тарихында алтын хәрефләр белән язылачак. Г.Ибраһимов. Авторның симпатиясе, әлбәттә, зинданда биш-алты ел яткан һәм, ни бәрабәренә булса да, азатлык яуларга алынган тоткын Батырша ягында. К.Нәфыйков. Аларның [латышларның] инде азатлык өчен үз туфракларында каннары да коелды. Ә.Еники. Милли азатлык өчен көрәшкә бөтен гомерен биргән бу атаклы шәхеснең мирасы үткәнне танып белү һәм бүгенгене аңлау өчен дә кыйммәтле. Мирас