АЗАН и. гар. дини Намазга чакырып, мәчет манарасыннан кычкырып укыла торган дога. Аккүл авылы безне көндезге азан тавышы белән каршы алды. Ф.Бәйрәмова. Әйтә иртәнге намазга бик матур, моңлы азан; И Казан! Дәртле Казан! Моңлы Казан! Нурлы Казан! Г.Тукай. Шәһәрдә, авылларда, дөньяга ямь биреп, азан авазлары яңгырый, мәчет манараларында айлар калка. Шәһри Казан

◊ Азан әйтми, камәт төшермиләр Мәзин азан әйтмичә, алдан намаз укырга керешмиләр, ягъни һәр эш үз рәте, үз тәртибе белән эшләнә