АЗАЙТУ ф. Күләм, зурлык, сан ягыннан киметү, кечерәйтү; азга калдыру. Тазарту гаскәрне сан ягыннан азайтса да, дисциплина ныгыды, күтәрелде. Ш.Усманов. Терлекнең баш санын азайтырга булдылар. Мәдәни җомга

Азайта бару Акрынлап, аз-азлап азайту. Бурычны азайта бару

Азайта төшү Бераз азайту; тагын да азайту

Азайтып алу Тиз арада азайту

Азайтып бетерү Бөтенләй азайту, акрынлап азайту, бик аз калдыру

Азайтып кую Аз хәлгә, азайган хәлгә китерү; алдан ук азайту

Азайтып тору Әледән-әле, еш азайту. Бәяләрне күтәреп, реаль эш хакын азайтып торалар

Азайтып чыгу Башыннан ахырына кадәр азайту