АЕРГЫСЫЗ с. 1. 1) Бер-берсеннән аерып алгысыз, нык береккән (мәс., чылбыр буыны, бау, төрле җеп кисәкләре һ.б.)

2) Аерып булмый торган, бердәй, бер үк төсле. Рекламадагы гүзәлләрдән аергысыз бу Гүзәл. Ш.Галиев. Өнме, төшме – аергысыз... Ә.Исхаков

3) күч. Бүленми, таркалмый торган; бербөтен тәшкил итә торган. Хезмәт һәм бәхет – аергысыз нәрсәләр

4) күч. Нык, ышанычлы, какшамас. Аергысыз дуслык хисләрен йөрәгеңдә саклау. Аергысыз хезмәттәшлек

2. рәв. мәгъ. күч. Аерып алмаслык итеп, нык берегеп. Икътисади яктан аергысыз бәйләнгән булу