АДРЕСАТ и. нем. Җибәрелгән хатны, посылканы, бандерольне алырга тиеш булган кеше яки учреждение. Бу хатлар биш-алты көндә адресатлар кулында булачак. И.Салахов. Марат хатны Зәлифәгә – Бәләбәй медицина училищесына җибәргән иде. Адресат, укуын тәмамлап, районга китте, дигән җавап белән кире кайтты. З.Фәйзуллин. Бу шигъри юллар адресатына барып ирешә алгандырмы, ишетә алгандырмы аларны Миңниса апа? Сөембикә