АБАГА’СЫМАННАР и. бот. Күбесенчә җир өстендә үсә торган, югары төзелешле споралы үлән һәм агач үсемлек төренең атамасы; русчасы: папоротниковидные, папоротникообра’зные. Борынгы абагасыманнар сулыкларның ярлары буенда гына үсү белән чикләнмәгәннәр, бәлки агачсыман гигант үсемлекләрдән торган искиткеч зур урманнар тәшкил иткәннәр. Моннан 300 млн. ел элек коры җирдә абагасыманнар хакимлек иткән. Биология